周柏豪 向來畀人型格十足嘅形象，不過私底下嘅佢其實都有童心未泯嘅一面。12號 迎來42歲生日嘅佢，喺正日生日前夕，變身「周小朋友」去到麥當勞舉行生日會，一圓多年來嘅心願！
柏豪將生日會當日嘅照片PO到社交平台上，佢喺帖文中透露，細個嘅時候睇住身邊唔少鄰居、朋友及同學都可以喺麥當勞舉辦熱鬧嘅生日派對，心入面相當羨慕：「看著他們熱鬧慶祝，自己一直沒機會擁有一場，心裡滿是羨慕。兩年前轉字頭的時候，也曾有人問我要不要辦一場麥當勞生日派對，當時因工作與時間關係，錯過了。可能人大了，有好多想做卻還沒來得及完成的事，這陣子心裡總是急著 ，想把心願一一趕緊實現，幸好今天，先圓了這一個童年的夢。」
童心大發嘅柏豪，親自策劃咗呢場充滿童年回憶嘅店生日會，當日以經典角色「漢堡神偷」嚟做生日主題，除咗柏豪同家人都齊齊換上黑白橫間套裝，戴上眼罩與紅色手套，變身成漢堡神偷外，到賀嘅賓客亦都相當配合，全體穿上黑白橫間上衣化身「壞人兵團」，場面既壯觀又搞笑。
柏豪直言自己最愛就係呢個角色：「在麥當勞眾多角色裡，漢堡神偷一直是我的最愛，謝謝各位好友陪我瘋，陪我鬧，一起當『壞人』。條紋越粗代表越壞，哈哈。這天我笑到肚子痛，太好玩，太難忘了。」
