陳庭欣Toby、梁敏巧Maggie、何沛珈Roxanne 等六位東張女神呢日就現身台慶一場跑步競賽做準備，六位更即場試跑展示體能，同埋上磅公開體重嘅秘密。
Maggie、Toby都話自己上磅前冇食早餐，而Roxanne就話有食，Toby就爆Roxanne喺朝早問佢飲唔飲朱古力奶添，聽落似乎有啲機心，但Toby就解釋指Roxanne係貼心，所以先問佢飲唔飲，而Roxanne表示，係因為呢日天氣凍，又要拍攝，所以先會問大家要唔要飲熱朱奶。
東張女神好跑得就係觀眾都知道嘅事，不過佢哋就話，最厲害嘅人係攝影師，因為佢哋淨係拎住支咪跑，而攝影師係抬住器材，仲要令鏡頭好定，真係好勁。Maggie同Roxanne都話，其實PA、收音師呢啲幕後人員都好辛苦，每個都係負重而行，所以呢個比賽都可以邀請工作人員跑。
