《街市遊樂團》好拍檔 滕麗名、 麥長青（麥包）同 陳浚霆 呢日喺TVB飲食資訊綜藝《美食強人》重聚，阿滕同麥包係美食節目老手，對食嘅要求唔低，今次佢哋食蝦餃，二人話蝦餃係點心界王者，通常香港飲茶點心必嗌。
《美食強人》40間餐廳角逐十強美食代表
阿滕覺得蝦餃製造方法係好影響味道，仲自爆本身食蝦係會敏感，以前食咗後，身體會出現紅腫，阿滕為咗食蝦餃，佢有方法醫好咁話！麥包就話自己個女係靠食防敏感藥先敢食。
myTV SUPER重溫《街市遊樂團》
呢次節目介紹嘅一款蝦餃獲得超級好評，本身呢間店已係名店級，再加上節目推出，變得好難訂位，要等成兩個月先有位，麥包話呢間店用咗10年時間由設計到不斷改良，而家都繼續改良緊，就知呢間店有幾堅！
