樂隊 FYP 推出全新熱血單曲《用武之地》，以充滿想像力嘅武俠隱喻，道出現代人在現實與理想之間嘅掙扎、不甘，以及渴望突破框架嘅決心。MV更將呢份精神延伸至現實社會，講述三位成員點樣喺壓抑而殘酷嘅都市生活中，勇敢突破枷鎖，尋找屬於自己「用武之地」。
FYP三位成員喺在MV中，分別飾演生活喺唔同崗位嘅都市打工仔，Emiko飾演每日面對龐大工作壓力嘅普通OL；Billy飾演日夜穿梭街頭奔波嘅外賣員；霍金則飾演飽受社會摧殘、疲憊不堪嘅IT人員。三個角色精準投射出無數現代人喺職場與生活中才華被埋沒、現實與理想拉鋸嘅困局。
今次 MV 最大突破莫過於三位成員均係第一次拍攝武打動作場面。為咗鏡頭前呈現流暢且具力量感嘅打鬥效果，三人開拍前特別抽出整整一日時間，前往武術指導Studio進行密集式招式與身手訓練，從基本功到動作套路都認真訓練。
拍攝當日，三位成員分別拍攝專屬打鬥場景。由於三人全程分開上陣，對於另外兩位成員表現與整體劇情連結皆充滿好奇。三人事後更笑稱：「因為我哋都有各自的打鬥場面，其實怎樣砌在一起，我們三個都不知道，都要到時剪咗出嚟先會睇到成品效果！」
