木村拓哉54歲生日台北首度開個人騷 親民現身吸引八百名粉絲接機影大合照

日本不老男神木村拓哉於11月13、14日首度以個人身分喺台北流行音樂中心舉辦演唱會，11月12日下午抵達松山機場，吸引約800名粉絲到場接機。

木村喺演唱會前一日提早飛抵當地，身穿招牌牛仔褸現身，自己推行李步出大堂，全程表現親民，現場粉絲尖叫聲不斷，木村亦走向粉絲堆打招呼兼影大合照，更溫馨提示粉絲要望住鏡頭笑。

木村今次好開心可以實現開騷承諾，尤其開騷當日係木村54歲生日，期待同粉絲一齊歡度，木村又指一期一會呢個瞬間，令佢感到好高興，希望呢件事成為各位粉絲往後人生嘅一部分，大家都能夠玩得開心。