楊茜堯 喺TVB台慶復仇劇《玫瑰戰爭》飾演「夏無雙」強勢回歸，手上戴住同閨密關子盈當年一模一樣嘅限量版黑色名錶與 林夏薇、 傅嘉莉、 姚子羚 逐一握手，手錶貫穿劇中嘅姐妹情仇。
myTV SUPER重溫《玫瑰戰爭》窺探娛圈秘聞
劇中多位女主角手上嘅名錶確實係由娛樂大亨「陳雲生」 陳豪 送出，七年前，陳自瑤飾演嘅「關子盈」勇奪影后殊榮時，陳雲生曾親手送上一隻黑色限量版名錶畀佢，仲特登強調隻錶係「獨一無二」，象徵佢喺經理人公司擁有無可取代嘅地位。
關子盈出事七年後，陳雲生又向昔日嘅姊妹團林夏薇、傅嘉莉、姚子羚送贈同系列嘅名貴鏤空玫瑰腕錶，「人人有份」卻引起微妙嘅心病。
而鄺潔楹飾演「林安安」表面上清純無害、同幾位女角情同姊妹，但實質內心冷酷，係藍鳳儀心腹，非最初獲贈該套四枚友誼名錶嘅核心成員，因此喺《玫瑰戰爭》花絮影片中，總監製鍾澍佳講戲嗰陣，久別重逢嘅姐姐們閃耀亮相，大騷同款名錶，唯獨「巴啦啦小魔仙」鄺潔楹雙手空空如也，向「生哥」抱怨！
《玫瑰戰爭》星期一至五晚 20:30 翡翠台
