女神配對計劃2|冷氣師傅Oscar人氣升狂接Job 李爾晨爆肌行山吳旭東勤學廣東話

女神配對計劃2|冷氣師傅Oscar人氣升狂接Job 李爾晨爆肌行山吳旭東勤學廣東話

《女神配對計劃2》正進行得如火如荼,節目唔止推高幾位女神嘅人氣,就連一眾求愛勇者都開始累積粉絲,好似冷氣師傅Oscar方智弘就率先跑出,甚至已經有品牌睇中佢嘅人氣,邀請佢做一日店長。


myTV SUPER重溫新一輯女神求愛歷程

而Oscar亦好勤力更新社交平台,除咗幫節目宣傳,日前佢亦同已經淘汰嘅求愛勇者Mark吳俊峰一齊拍片,仲定時發放一啲靚仔相,咁識做,唔怪得兩位女神俞可程、何沛珈都為佢沉晒船啦!

另一位求愛勇者 李爾晨 早兩個星期喺節目中細數同女神 陳星妤 超過10年嘅「好友」情誼,二人「友達以上、戀人未滿」嘅曖昧關係,睇得觀眾好肉緊。不過上個星期陳星妤同另一位求愛勇者Oswald心意相通,即將共度春宵,Kyle亦被大家笑做兵做足10年,不過Kyle似乎已經決心放下,日前佢喺社交平台post一系列爆肌行山相,騷出成排朱古力,package咁好,相信就算最終得唔到女神芳心,出面都有大把市場喇!

而講到最幸福嘅求愛勇者一定係 吳旭東,佢為咗心儀嘅女神Mandy阮嘉敏,東東唔止考慮搬到深圳住,希望拉近地域上嘅距離。佢仲好努力學廣東話,希望可以同Mandy更深入交流,日前東東就喺社交平台post自己用廣東話買格仔餅嘅片,請大家幫佢一齊驗收廣東話學習成果,咁用心,相信Mandy一定可以感受到。

《女神配對計劃2》星期日晚 20:30 翡翠台