張家輝農曆年踏紅館發放笑彈 重現經典角色並邀後輩演員上台

張家輝農曆年踏紅館發放笑彈 重現經典角色並邀後輩演員上台

張家輝 早前宣佈農曆新年將首踏紅館,舉行三場集合「笑、唱、跳」嘅大型娛樂騷,同大家一齊歡慶羊年。消息一出旋即成為熱話,而宣傳片亦瘋狂「洗版」各大社交平台。家輝重現過往經典角色包括《激戰》賤輝、《贖夢》蔡辛強、《賭俠1999》化骨龍、《金雞SSS》哥頓哥同《陀地驅魔人》發仔,又冒雨夜闖紅館重現經典對白。

    

家輝呢日舉行記者會率先解構演出獨特之處,佢話呢次係非一般嘅演唱會,而係一個極富娛樂性嘅騷,內容包括成長、娛樂圈歷程以及種種難忘經歷,大前提係要娛樂大家,令觀眾歡樂嘅同時,亦可以令大家更了解張家輝歷年經歷。   記者會特別準備一塊道具板,貼上家輝靚仔相以及五大經典角色,佢再揭開內藏嘅關鍵字。家輝首先得出「激戰」兩字,仲指:「賤輝肯定會出席,相信會係令大家歡笑情況下亮相!」之後揭開嘅「嘉賓」,佢就提到有別於其他演唱會「嘉賓唔會好像車輪咁滾動上台,我請嘅朋友,都同我成長背景、娛樂圈歷程有關,」。

最後一個關鍵字係「戲劇」,佢解釋話:「個騷會有戲劇元素,我邀請一班行內正冒起嘅後輩演員合作,務求大家睇得開心!」