韓國天團 BIGBANG 來港舉行四場演唱會，吸引大批粉絲朝聖，除咗香港本地粉絲，更有大批來自內地唔同城市嘅歌迷，佢地不惜長途跋涉，就係想見偶像一面。而喺芸芸歌迷中，亦見到一啲熟悉嘅面孔，好似名模琦琦， 吳業坤 同太太 浜口愛子， 陳豪 陳茵媺 兩公婆， 龔嘉欣同好姐妹 譚凱琪 。
坤哥之前睇過GD個人騷，今次BIGBANG齊人訪港，身為粉絲當然唔會錯過，佢話自己周圍撲飛，好好彩都順利撲到，而太太濱口愛子話BIGBANG喺日本都好受歡迎，所以好期待睇騷。
Katy同Zoie呢對好姐妹難得夾到時間可以一齊追星，佢地除咗期待感受現場熱力，仲話想乘機偷下師，事關真係有人想邀請佢地一齊開騷，而佢哋都希望可以盡快成事。
