黃澤林 早前捲入感情風波，外界對佢同 陳康堤 與 譚旻萱 嘅感情事非常關注，而之後更傳出另一女歌手 黃淑蔓 亦曾被力追，呢日Feanna親自澄清呢單傳聞，指自己同Coleman只係普通朋友咁話。
即將迎接自己首次個人音樂會嘅佢，亦提到籌備情況已經七七八八，只係差自己尚未練歌到最佳狀態，而首次開兩場騷心理亦有一定壓力。而相對經驗多少少嘅 曾傲棐 就指最難係完成首場演出當晚心情難以平復，提醒佢注意喇。
Feanna年紀輕輕就出道老友唔少，呢日就指邀請唔少圈中好友入場欣賞，又希望自己唔會令大家失望。而曾同Feanna合作MV嘅Arvin，就話一定會捧場，不過就唔會上台，希望Feanna好好享受呢次首個個人音樂會演出呀。
