霍建華醫院拍劇被病人誤以為真醫生 聽聞林心如遭黑粉爆料霸氣護妻

霍建華 相隔多年再主演嘅台劇《急診室的奇蹟》正式播出,日前佢同劇中一班年輕演員 蔡凡熙 詹子萱 彭千祐 温貞菱 以及 路斯明 等出席記者會。


霍建華今次飾演急症醫生,佢為咗角色喺開拍前好用心做功課,仲隨身攜帶醫生用嘅聽診器,就係想幫助自己更加投入角色。而呢個方法都似乎幾有用,事關佢哋喺醫院實景拍攝嗰陣,就有病人誤以為佢係真醫生,而霍建華一於做戲做到底,同病人妙問妙答。

霍建華嘅太太 林心如 日前被一位自稱係化妝師嘅網友爆料,話佢私底下會經常鬧化妝師「白癡」,呢日霍建華就跳出來護妻,佢話自己入行以來從未聽過咁嘅事,藝人除非唔想撈,否則點會用難聽說話鬧工作人員,最後佢仲話成件事直頭「荒唐」,霸氣護妻真係好man呀!