關心妍 日前返家鄉佛山南海開騷,衣錦還鄉場面熱鬧,Jade更以南海話「自家人」同「鄉里」打招呼!Jade嘅女兒心心亦跟隨媽咪演出擔任特別嘉賓又打鼓又獻唱,整晚氣氛熱爆。
![]()
完騷後Jade與團隊一齊慶功,當時一頭金色長髮嘅佢與奮地同工作人員碰杯慶祝,開心笑到見牙唔見眼,點知就被網民認錯係 鄭秀文Sammi ,仲話「Sammi」好靚又好瘦,同Sammi一齊食宵夜等,俾人話似樂壇天后鄭秀文當然開心啦,但事實又真係令人有啲尷尬。![]()
事件發生幾日後,引出Sammi本尊回應網民,佢喺社交平台Pos出t同Jade嘅舊照,翻查資料係Jade喺2022年舉行出道20周年演唱會時,Sammi驚喜現身Encore環節合唱節時,兩人頭貼頭嘅相片,Sammi仲打趣留言寫道:「真的很似嗎?哈哈!想找一張跟心妍比較近期的合照,但完全搵唔到啊!認住喇!關家姐,鄭ah mi. (鄭四萬)響佛山慶功宴,係關家姐,唔係ah mi 。 ![]()
其實認錯咗Jade係Sammi之後嘅報導一出,好多網民都留言指兩人並唔算太相似?差咁遠?而正好Sammi呢個Post一出,化解網民誤會嘅同時,亦獲好多Mi迷大讚Mi呢個舉動好可愛好得意。
![]()