萬千星輝賀台慶|羅嘉良時隔廿多年再參與演出 夥新一代藝員同事共演開場歌舞

《萬千星輝賀台慶》星期四晚就正式舉行,藝員同事早已為當晚唔同表演項目綵排同準備,而呢日特別表演嘉賓 羅嘉良 就同大批男女藝員同事,為其中一幕歌舞演出綵排,久違參與嘅撈家更會同大家一齊,重演當年經典劇集《難兄難弟》。


撈家早前重返TVB拍攝新劇《模範律師團》,今次又參與台慶演出,難怪佢都話非常開心,加上同咁多新一代同事合作,感覺就更特別喇。佢同 游嘉欣 李海銅 一齊受訪時提到,唔止今次係事隔廿多年再為台慶演出面開心,諗返當年於清水灣電視城拍《難兄難弟》嘅開心時刻就仲開心,日日同 吳鎮宇 張可頤 仲有 宣萱 等更加係笑到停唔到呀。

呢日大家齊齊喺排舞室綵排,見到 鍾柔美 劉芷君 羅天宇 劉倬昕 等多位同事一齊參與,而 關嘉敏 受訪時,仲指自己將參與多個環節,記舞步同綵排都非常緊密咁話。

《萬千星輝賀台慶》星期四晚 19:45 翡翠台