台慶劇《玫瑰戰爭》熱播,劇情焦點集中於娛樂圈光鮮亮麗背後嘅明爭暗鬥同人性角力,緊湊情節掀起追劇熱潮。隨住劇情同步發展,由劇中三大女角 林夏薇 姚子羚 同 傅嘉莉 合唱嘅片尾曲《大娛樂家》MV早前亦正式曝光,更意外引出三位「男士」參與嘅「神還原」惡搞版本,瞬間成為網民熱話。
![]()
《玫瑰戰爭》本周劇情持續白熱化,劇中多位當紅女星與圈中權貴相繼收到印有紅色火漆、寫住「I know what you did」嘅神秘黑函,令塵封已久嘅秘密醜聞面臨曝光危機。於名利同輿論雙重夾擊下,各人為求自保各懷鬼胎,更引發傳媒追訪同感情決裂,仲演變成連場對簿公堂、飛車爆炸同近身肉搏等驚險場面,將娛樂圈「沒有永遠的朋友,只有永遠的利益」嘅殘酷法則展現得淋漓盡致。![]()
片尾曲《大娛樂家》三位女主演深情獻唱,MV中三人以迷霧感十足嘅「裸肩」造型出鏡,眼神充滿故事與哀愁,透過歌詞道出女藝人喺五光十色名利迷惑中載浮載沉、身不由己嘅無奈同痛苦。![]()
不過觀眾沉浸於原版MV嘅淒美氛圍時,官方就突然公開一段由張振朗、周嘉洛同吳業坤演出嘅「惡搞版MV」。三人分別化身「張子羚」、「周夏薇」同「吳嘉莉」,同樣赤膊造型上陣,一比一神還原三位花旦嘅深情同憂鬱神態。![]()
由於三人全程毫無笑場、表情極度投入認真,強烈反差感反而令搞笑效果倍增,被網民大讚「越認真越好笑」!![]()
影片末更收錄了三人幕後花絮,張振朗同周嘉洛對鏡頭向觀眾呼籲收睇熱播台慶劇,而身後嘅吳業坤仍未著好衫半裸入鏡,兩人仲扮認真食字講拍攝術語「冇穿」、「肯定冇穿」,其實就語帶雙關,因為坤哥當時「肯定冇穿衣」場面相當惹笑。隨住台慶大日子臨近,仲有觀眾期待原唱同呢隊「限定男團」台慶夜同台獻唱《大娛樂家》呀。
《玫瑰戰爭》星期一至五晚 20:30 翡翠台