台慶劇《玫瑰戰爭》三大女主角 林夏薇 姚子羚 同 傅嘉莉 合唱嘅片尾曲《大娛樂家》MV曝光,更並引出 張振朗 周嘉洛 同 吳業坤 合組變身成「張子羚、周夏薇、吳嘉莉」赤膊惡搞致敬後,製作組近日加碼公開更多未曝光惡搞版MV片段同絕密幕後花絮,瘋狂爆笑現場隨即曝光。
最新公開嘅加長版惡搞片段中,三名「裸肩」上陣嘅男星完全豁出去,一臉認真面對鏡頭整古做怪,唔止對嘴深情演繹歌詞,更喺鏡頭前加上大量誇張表情,時而含情脈脈放電、時而咬唇挑眉、時而深情對望,最後更齊齊展露迷人又帶「妖媚」笑容,嫵媚程度簡直同原唱林夏薇、姚子羚同傅嘉莉不相伯仲,強烈反差感更令人笑到肚痛。![]()
除正片笑料百出外,同步公開嘅幕後拍攝花絮更令人忍俊不禁。拍攝期間赤裸上身嘅三人不斷發揮創意即興「加戲」,不過要三個「大男人」近距離貼面、「你眼望我眼」擺出深情嫵媚表情實在難度極高。![]()
花絮中可見張振朗同周嘉洛多次一對望就不禁爆笑,當場「破功」笑到彎腰,而企C位嘅吳業坤亦頻頻笑場,現場笑聲此起彼落。![]()
《玫瑰戰爭》星期一至五晚 20:30 翡翠台