馬貫東玩AI變身復古「浪子」 側面撞樣任賢齊獲網民激讚!演藝寵物雙線發展愛心爆棚

馬貫東玩AI變身復古「浪子」 側面撞樣任賢齊獲網民激讚!演藝寵物雙線發展愛心爆棚

近年於TVB挑戰多個唔同角色嘅實力派藝人 馬貫東 ,近日大玩AI懷舊風,分享一張充滿80年代復古菲林質感嘅生成圖片。相中嘅Mark一改平時俐落短髮形象,以80年代蓬鬆微捲「Mullet頭」,加上洗水雪花牛仔外套,照片背景更還原當年舊式收音機同貼滿懷舊海報,細節滿分。
相片公開後隨即引來大批圈中好友同網民圍觀,而呢個45度側面更同 任賢齊 年輕時有如餅印一樣,更有幾分《心太軟》時期嘅深情浪子氣息,而Mark本人對呢張AI復古造型更係愛不釋手,直言非常喜歡呢個80年代打扮。

戲中造型百變嘅馬貫東,佢過往曾有嚴重貓狗敏感,後來領養愛貓後努力克服不適,仲由零開始考取專業資格成為寵物美容師。愛寵嘅佢更為佘詩曼、陳煒、郭晉安、周嘉洛等多位圈中好友嘅「星級毛孩」扮靚,佢有份投資嘅寵物美容學校年初更於珠海開業。愛心爆棚嘅Mark只要唔使拍劇就會親自落手,更不時義務為流浪貓狗修剪毛髮「扮靚」,大大增加被領養嘅機會。

雖然寵物美容生意有聲有色,但Mark始終將演戲放於首位,今年佢就先後於《臥底嬌娃》 同《死有對証》中參與重要角色,《死有對証》  中飾演重案組高級警員「高俊」一角更係首度榮升「男一」,同 陳曉華 以及 韋家雄 組成查案鐵三角大獲好評。近期佢亦亮相節目《我和牠的故事》,分享與家中五隻愛貓嘅溫馨日常。

myTV SUPER重溫人寵溫馨生活