蕭正楠 曹永廉 同 馬國明 再次合體,日前到廣州開騷,已經第五度合作同台嘅佢哋默契有增無減,呢日快歌慢歌都有歌單非常豐富,而三人亦各自有獨唱部份,為大家帶來唔同曲目。
![]()
三人事後仲話,每一次登台都好似同兄弟一齊出發去一個小旅行一樣,加上歌迷嘅熱情反應,就令佢哋更加滿足喇。雖然阿蕭同阿廉近日正忙住拍攝新劇《超時空男臣II》,加上阿蕭老婆同囝囝都身處大馬,難怪佢都直指心情非常孤獨,不過因為忙住準備劇本,所以妻兒喺大馬相信佢哋會更加開心呀。![]()
仲有大約一個月就係聖誕,佢哋就話已經開始計劃同家人度過嘅Idea,不過阿蕭就突然搞笑話自己自己唔鍾意放假,一向心繫工作,之後就話至緊要同家人一齊,做咩食咩都一樣咁開心呀。
![]()