許志安上個月舉行紅館演唱會,呢晚又再舉行音樂會,好友張學友送上花籃為安仔打氣,呢次安仔聯同爵士樂團一齊演繹多首歌曲,當中包括一首16年前嘅牙刷廣告歌,再唱《尖尖尖》瞬間炒熱全場氣氛。
![]()
安仔笑指呢個「出土文物」有十幾年前,原來呢個「尖尖尖」係音樂總監練歌時提議,話「尖尖尖」係Jazz,仲話係聽呢首歌長大,安仔都渴望再拍呢啲廣告,但自己做唔番拎住牙刷好享受嗰個表情,牙肉都損埋!![]()
安仔喺今次歌單揀咗好多大家耳熟能詳嘅經典歌,以爵士形式演繹,佢將壓力轉化為投入,再次諗起一個月前嘅騷,上台前唔好有太多包袱,唔好諗觀眾反應,只要投入去唱,觀眾就會畀番反應,自己一路聽一路練,好似入行時期咁投入,感覺好正,見到觀眾呢晚反應,安仔感到好開心。![]()
今年係安仔同太太鄭秀文(Sammi)結婚13周年,佢自認屬浪漫型老公,計劃與太太食餐好啲一齊慶祝,而家浪漫係一種舒服嘅體驗。