張家輝新年開騷宣傳分享表演環節 唔怕契爺修哥割蓆將神秘形式出場

張家輝 早前宣佈農曆年間將舉行一連三場紅館演出,呢日宣傳渣渣輝就指今次並唔係齋唱歌咁普通,將會加入楝篤笑等其他元素,而過往由佢演出過令大家非常懷念嘅各個角色,演出時亦會先後現身,而歌單亦會盡量滿足大家咁話。


至於契爺 胡楓 早前指如果收唔到邀請就同佢一刀兩斷,呢日家輝就話完全唔使擔心,一定會提出邀請,仲會對佢大改造喎。雖然佢早年已經係歌手,家輝就指對住全場觀眾唱歌其實會怯場,仲話最近出席唔同場合都突然唱歌,係比自己嘅熱身機會嚟呀。

特別安排過年新正頭開騷,觀眾入場就一定會向佢派利是,呢日家輝亦擔心到時唔識處理,反而向傳媒請教,仲話唔回禮心情忐忑,非常搞笑。