跟風旅行團‧EP2‧懶人包丨杜如風克服畏高5百蚊做機師 品嚐2千萬點擊爆紅三文魚麵

跟風旅行團‧EP2‧懶人包丨杜如風克服畏高5百蚊做機師 品嚐2千萬點擊爆紅三文魚麵

杜如風帶隊玩盡韓國首爾,公開私伙行程,等大家輕鬆跟風,實測、試伏,教大家全方位避雷!杜如風呢集探店品嚐足料三文魚麵、網紅Gelato店,又開箱「雪嶽山森林度假村」,飽覽優美自然美景,絕對係打卡首選,仲首次克服恐懼揸飛機!


myTV SUPER首爾24小時精華遊‧足本睇


1)  $500體驗做機師


杜如風本身畏高登機前一度緊張致電阿媽:「我銀行儲低啲錢,你同我使晒佢就得啦!」呢次體驗HKD$500做機師,毋須預先考牌或上堂,全程由專業駕駛員在旁陪同指導,20分鐘課程體驗控制飛機方向,仲可以兩架飛機並排飛行,杜如風衝破心理關口,衝上雲霄!


店鋪:Skynuri地址:京畿道華城市萬歲區雨汀邑虎谷里959-1營業時間:每日 08:00 - 18:00




2) 足料三文魚麵

杜如風呢次去位於首爾弘大延南洞,朝聖超人氣BLACKPINK愛店,餐廳網頁累積超過 2,000 萬影片點擊率,有傳人氣女團 BLACKPINK 成員 Jisoo 同 Lisa 係常客。杜如風一次過品嚐招牌菜三文魚麵、雪蟹味噌套餐、豪華魚生蓋飯;杜如風心水推介「超足料三文魚麵」,每份內含150克三文魚,餐廳將新鮮三文魚厚切成長條狀代替傳統麵條,搭配酸甜清爽番茄冷湯底及炸大蝦天婦羅,非常足料!

店鋪: Mippeudong地址: 首爾市麻浦區延南洞384-7營業時間: 每日 11:00 - 22:30




3) 森林度假住宿

杜如風開箱位於雪嶽山嘅森林渡假村,住宿有玻璃屋頂設計,可以瞓喺床上睇風景, 而且森林獨家住宿,由政府經營,經濟實惠有普通2至4人房,仲有招牌樹屋客房,還有farm-to-table餐廳,由韓國知名料理研究家洪信愛主理,主打直接從當地農場採購時令食材並新鮮烹調讓人全身投入大自然。

店鋪:수락산 동막골 자연휴양림地址: 首爾市蘆原區上溪洞9號




4) 網紅Gelato店


杜如風去首爾聖水洞朝聖嘅超人氣意式雪糕店,甘願大排長龍,前往韓國品嚐一間超人氣意式雪糕店,杜如風揀選招牌甜品「杜拜朱古力開心果麻糬Gelato」,一啖結合香濃開心果與朱古力、酥脆口感及煙韌麻糬,口感層次豐富,杜如風大讚好食。

店鋪:MAMAN GELATO地址: 首爾市城東區聖水洞二街315-18營業時間: 每日 11:30 - 21:00