林淑敏、許家傑(Jack)呢對「蓮輝CP」早前官宣將以新角色「戴嘉婷」、「宋銳威」加入TVB處境劇《愛‧回家之三代同糖》,兩個角色仲有複雜關係,消息一出隨即令劇迷期待。
myTV SUPER免費重溫《愛.回家之開心速遞》搞笑劇情
![]()
近日有網民喺街上偶遇林淑敏同林芷羿、候雋熙為劇集拍攝外景,佢仲興奮到手都震埋拍片,雖然只得短短幾秒,但已經睇到林淑敏造型同喺《開心速遞》嘅大小姐龍力蓮有所不同,大家仲留言話要叫「戴小姐」,唔好再嗌「大小姐」。
![]()
林淑敏同阿Jack近日以新角色身份拍攝宣傳片,阿Jack角色造型就有別於「送水輝」,呢次佢戴上眼鏡,打扮老成,林淑敏就以長髮、西裝Look現身,睇落幹練得嚟又有啲溫和時尚感,但係戴嘉婷就承接大小姐嘅霸氣,激動時大叫「豈有此理」同「篤魂精」嘅動作,令網民覺得回憶返晒嚟。
![]()
從片中可以率先得知,兩位角色關係係帶火藥味嘅「前情侶」,令網民笑言「唔通佢哋『前世』係夫妻,『今世』做仇人」。而劇集收視更節節上升,歐瑞偉、李偉健、車婉婉、李茵彤等演員齊齊拍片宣布好成績,更感謝觀眾支持!
![]()