陳自瑤親赴江西助農賣橙 聽辛酸點滴感觸落淚

陳自瑤親赴江西助農賣橙 聽辛酸點滴感觸落淚

TVB台慶劇《玫瑰戰爭》開播後熱度不斷,陳自瑤(Yoyo)飾演嘅關子盈命運坎坷,睇到觀眾好心悒,大家好想知佢究竟係失蹤定係自殺。

myTV SUPER重溫《玫瑰戰爭》窺探娛圈秘聞


跳到劇外,Yoyo除咗忙於為劇集宣傳,亦專注直播帶貨事業,積極助農,銷售農產品,非常有善心。Yoyo唔只坐喺直播間得個「講」字,佢仲親身飛到江西,體驗當地種植臍橙嘅農戶辛酸。


當Yoyo了解到農戶面臨種植同收入困境時,一度流露真性情,頓時感觸落淚,認為自己「好冇用」,最後仲向果農自動請纓一齊去賣橙,落手落腳同對方將一箱箱橙搬上車去擺賣。


Yoyo喺片中分享心聲,表示:「我不知道我可以收多少的橙子,我覺得我能收多少就多少,就算最後賣不了這麼多,虧的是我沒關係,但是起碼他們可以賺點錢!」Yoyo為咗令銷量變好,喺直播間大力推銷,仲加碼送簽名枕福利,令好多網民讚Yoyo人美心善。