TVB戀愛真人騷《女神配對計劃2》自播出以嚟話題不斷,當中求愛勇者之一嘅關經翰(Oswald)喺節目得到陳星妤、梁超怡兩位女神青睞。不過Oswald近日被傳媒影到同練樂儀一直返豪宅過夜,因而被質疑「早有正印」,隱瞞節目組扮單身參加戀綜。
myTV SUPER重溫新一輯女神求愛歷程
![]()
面對種種揣測,Oswald喺社交平台發聲明澄清同分享聚會大合照,強調兩人連「Close Friend」都算唔上:「本人與練小姐並非 Close Friend,而且每次見面都是在同一班朋友的聚會場合,並非私下約會,亦不存在任何情侶關係。」
![]()
至於被指「同返豪宅」嘅照片,Oswald解釋當晚係搞緊 Housewarming 聚會,成班朋友一齊玩:「練小姐表示帶了不少物品,希望我下樓接她。出於基本禮貌,我便下樓協助她拿取物品並一同上樓參與聚會,其後她亦提早離開。」Oswald強調成個過程純屬朋友聚會嘅正常社交,絕無任何曖昧成份。
![]()
此外,早前有報道指佢曾出席女方生日會並大獻殷勤,Oswald一口否認有送花或蛋糕,表示當晚只以普通朋友身份到場,而且「大部分時間亦與其他男性朋友交談」,全方面撇清關係。最後Oswald對報道同外界懷疑感到非常無奈:「希望大家不要過度解讀個別照片或片段,讓事件回歸事實。」
![]()
呢篇澄清文一出,唔少網民留言,有人繼續懷疑事件真偽:「連 Close Friend 都唔係,又會特登落樓幫手拎嘢上屋企開 Party」另有網民力撐:「肯第一時間出嚟交代已經好負責任,希望大家畀啲空間佢」、「其實香港地幫朋友拎吓嘢好正常,唔通男女行埋一齊就等於拍拖咩」。
![]()