陳寶珠、 張家輝 一齊喺尖沙咀為聖誕燈飾亮燈,活動多年嚟同慈善機構合作,寶珠姐喺致詞時,感觸落淚憶起今年病逝、曾擔任香港血癌基金會會長,亦即係 谷德昭 嘅家姐 谷薇麗。![]()
![]()
寶珠姐就話,每年到咗呢個時候,自己就會同谷薇麗一齊喺度傾偈,雖然幾個月前好友離世,但精神同志向會一直陪住大家。對於好友嘅離開,寶珠姐心情充滿不捨同思念,谷德昭感受一樣,而佢覺得家姐喺度,自己會盡力繼承家姐嘅善心去幫人。![]()
近年寶珠姐甚少喺公開場合露面,過往雖然見慣大場面,但由於少再公開同大家見面,所以呢晚眼見到咁多人嚟支持自己,佢都話有啲緊張同埋唔習慣。寶珠姐亦分享生活,自己閒時都喺屋企睇電視、做運動,過得平淡平靜。
![]()
張家輝啱啱喺一個海外嘅頒獎禮稱帝返港,當晚佢仲晒出一口流利英語為港爭光。講到得獎心情,家輝幽默表示「喺邊度跌低,喺邊度起身」,呢次都係佢第一次拎視帝,又笑言「越南偏遠啲,易攞啲」。![]()
![]()
家輝明年就會喺紅館開娛樂騷,呢段時間佢都積極開始綵排。除咗歌單有驚喜之外,佢預告會一展獨特嘅舞技,會出現有型又挑逗嘅舞步。家輝仲話呢日見到寶珠姐就即刻問「可唔可以調戲你」,寶珠姐亦大方答應。聽到傳媒話,劉德華表示可以邀請佢唱《忘情水水水》,家輝即刻多謝華仔,既然華仔咁講,佢都唔怕醜要邀請。
![]()