陳茵媺怕仔女考試分心未追陳豪新劇 林奕匡對囝囝幼稚園面試表現感驕傲

陳茵媺 呢日化身人肉有聲書為小朋友講故事,講到緊張情節時,仲幫手配埋聲效,相當專業,皆因Aimee平日喺屋企都有講開故事畀佢三個小朋友聽呀!

現實中 陳豪 係大家公認嘅絕世好爸兼暖男老公,但喺劇集《玫瑰戰爭》中,佢就變身成終極大奸角,Aimee竟然表示仲未追劇,因為佢鍾意一氣呵成追晒成套劇嘅感覺,寧願等套劇播完佢先慢慢睇,加上最近小朋友要考試,唔可以令佢哋分心。

雖然忙住照顧三個小朋友,不過Aimee有抽時間同阿Mo過二人世界,日前佢哋就撇甩啲仔女,兩人拍拖去睇BIGBANG。

同場嘅 林奕匡 就透露近日忙住幫囝囝物色幼稚園,佢話由於囝囝性格唔算可以坐定定,所以日前見到阿仔面試時嘅表現OK,佢都感到好驕傲。