吳亦偉 相隔短短兩個幾月再搞粉絲聚會,今次規模比上次更大,容納多幾倍粉絲,並獲一眾中聲戰友尹景順、雷小雷、陳旭培、范子睿同蔡宓婕嚟撐場,大家都好踴躍輪流上台合唱兼搞氣氛。![]()
![]()
亦偉能夠舉辦呢個聚會好感動,佢指首次同粉絲聚會時只得40人,仲要自己煮餸,估唔到今次會咁多人支持,又笑言可能粉絲唔想食佢煮嘅食物,所以揀喺餐廳舉行。![]()
呢日亦偉太太都有現身親自為活動監場,亦偉14歲嘅兒子吳蔚恩仲上台同爸爸合唱,穩健台風完全唔輸蝕,父子檔上陣似模似樣。阿仔面對咁多人表現淡定,面對鏡頭一啲都唔怯場。![]()
![]()
雖然阿仔遺傳爸爸嘅音樂天份,不過就因為佢太多才多藝,令一班兄弟搞咗個大烏龍,每次分享阿仔嘅片段時,佢哋都覺得亦偉唔只得一個仔,因為彈結他、彈琴、打鼓、打波等都咁叻,范子睿笑指以為亦偉有好多個仔,後來才發現係同一個。![]()