萬千星輝賀台慶|藝人紅地氈爭妍鬥麗 汪明荃率12主持與眾同樂

TVB年度盛事《萬千星輝賀台慶》星期四晚舉行,全台逾200藝員同事齊齊盛裝打扮出席,,呢晚雖然氣溫開始轉涼,但係一眾小生花旦就無懼寒風,女嘅性感上陣大派福利,男嘅官仔骨骨鬥chok鬥型,個個都出盡法寶搶眼球。


而鎮台之寶 汪明荃 就以由頭紅到落腳嘅華麗打扮,率領 陳貝兒 麥美恩 林溥來 朱凱婷 黃翠如洪永城 陸浩明 林秀怡 周奕瑋 鄭衍峰 潘靜文 同 孔德賢 ,以13人姿態為大家主持今晚盛典。


而 高海寧 就以露背露肩裝力抗寒風,佢仲指並無特別為呢身貼身裙節食,至於馬明就以一身優雅全黑西裝出席,仲賣口乖話要襯托一齊行紅地氈嘅高Ling,無需太搶鏡呀。而子溢嘅西裝同樣全黑色,佢仲笑指話太太 茜堯 擔心天氣凍而非常密實未有騷肌呀。


「綺雲姐」 林夏薇 就以白色厘士透視裝同「生哥」 陳豪 壓軸出現, 陳煒 就一身黑皮裙現身,同樣一身黑色裙示人嘅 陳自瑤 就暗藏性感,既露香肩又露腿,胸出蝴蝶結下亦中空隱約性感。


Yoyo受訪時笑指為靚展期冇啖好食,煒哥嘅毛披肩就夠保暖,而 蕭正楠 同 譚俊彥 就指對今晚台慶大獎信心十足呀。


呢晚唔同女星都出盡法寶大騷好身材,好似 張曦雯 一身白厘士裙就非常誘人, 陳瀅 同 周嘉洛 就襯絕以黑白打扮現身,至於MYNT 魔音女團 則以紅白雙色騷美腿出場。另外,幾位小花 郭柏姸 戴祖儀 同 游嘉欣 亦同樣閃閃生輝,大曬青春一面。


《萬千星輝賀台慶》翡翠台 現正直播