萬千星輝賀台慶|羅嘉良為台慶獻聲揭開序幕 受腳底麻痺困擾專業完成演出

《萬千星輝賀台慶2026》隆重舉行,全台逾百藝員傾力演出,羅嘉良相隔23年再度回歸參與台慶盛事,佢更率領一眾藝員進行大型歌舞環節,為演出揭開序幕,撈家大開金口獻唱《奇哥》同《難兄難弟》,廠內廠外都充滿歡樂,經典難得重現,相信必定勾起觀眾集體回憶呀﹗


撈家聯同一眾演員為觀眾送上精彩嘅演出,不過佢話呢個環節,要集合咁多藝員一齊演出,真係一啲都唔容易。不過見到大家反應咁熱烈,撈家都話好享受成個演出過程,仲見證一班藝員非常齊心,撈家話佢自己都好鐘意參與台慶,可以同一班台前幕後聚首一堂,感覺真係好開心,好温暖。

撈家早前透露佢受到腳底麻痺困擾,所以佢答應演出台慶後,都一度非常擔心會影響表現,但呢晚見佢相當專業,真係完全睇唔出佢係頂硬上呀,撈家話之後佢會繼續進行治療,希望有更好嘅康復進展。

《萬千星輝賀台慶》翡翠台 現正直播