萬千星輝賀台慶丨女藝員狂舞展性感韻味 圓滿完成激動擁抱慶祝

多位女藝員同事換上華麗舞衣,齊齊於「炫舞女王」環節展示充滿女人味嘅舞蹈演出, 陳敏之 陳煒 姚子羚 同 傅嘉莉 以各有韻味嘅姿態,與多位女同事展現自信一面,事後大家仲合體接受訪問,完成呢次演出後更非常感觸,對過往綵排期間付出嘅汗水都覺得非常值得,仲話大家都終於可以放鬆好好食吓嘢慶功呀。