萬千星輝賀台慶|許志安任壓軸表演嘉賓 憶當年《熱咖啡》為汪明荃伴舞

許志安 以壓軸嘉賓身份為今年《萬千星輝賀台慶》擔任表演嘉賓,為現場嘉賓同藝員同事獻唱多首歌曲。安仔指非常開心有機會再一次踏上台慶舞台,而Liza姐亦提醒佢,三十多年前嘅台慶經典眾男歌星伴舞《熱咖啡》,安仔當時亦係伴舞之一。


安仔事後受訪,就指一收到邀請就已決定將自己多首歌曲改編成Medley,為大家獻唱,佢仲回憶初入行參與表演,就要同多位藝人練習邊耍劍邊唱歌,雖然翻睇當年影片連自己都見唔到,不過回憶仍然非常有趣,而《熱咖啡》一役亦非常深刻,當時每一年嘅《翡翠歌星賀台慶》充滿回憶呀。