李麗珍上月獲頒傑出成就演員獎 日前再奪溫哥華最佳女演員

李麗珍上月獲頒傑出成就演員獎 日前再奪溫哥華最佳女演員

李麗珍近期喜事連連,先後於加拿大多倫多及溫哥華兩大華語電影節奪得殊榮。繼10月17日獲多倫多TCCFF中華電影節頒發「傑出成就演員獎」,並親身出席新片《富貴逼人來》嘅全球首映後,今個月19日再傳出捷報,珍妹喺第14屆溫哥華VCFF華語電影節榮膺「最佳女演員」。

珍妹拍片感謝當地觀眾,並直言能參與影展、獲得提名再奪得獎項,令佢感到非常開心,同時佢亦感謝高志森導演,喺幾十年前搵佢飾演《富貴逼人》中,二女來弟一角,相隔幾十年後再邀講佢喺馬來西亞賀歲片《富貴逼人來》入面,出演媽媽角色。

珍妹喺片中重點致謝辛勞嘅幕後工作人員,因為佢哋經常要清晨5點起床、6時出發、7時開工,但每次抵達現場,佢都係見到工作人員努力準備道具等,令佢諗到工人人員可能凌晨3點就已經起身工作。

對於接連拿下兩項大獎,珍妹表示:「拿到這兩個獎,心裡真的很激動,也很感恩。由大家口中的『珍妹』一路走到今天,大家看着我成長,我也見證了這個行業的無數轉變。演戲這條路,從來都不是一個人能走完的。」佢亦衷心感謝兩個頒獎典禮與評審團嘅肯定,並向每一位信任佢、給予角色嘅導演與監製致謝。