譚輝智成功被粉絲「突襲」面不改容 周吉佩澄清做老闆捧女團撼MYNT

TVB生日嘅大日子唔單止公司上上下下好熱鬧,完騷後公司門外亦躋滿大批粉絲守候偶像,深夜時份仍然着住一遍燈海吶喊,同心目中嘅偶像一條心齊齊祝TVB生日快樂!

吉S粉等到偶像周吉佩出現時好興奮,而呢晚遇正氣溫下降,吉吉好擔心粉絲們凍親,叫佢哋要保重着多件衫。另外,近日有傳吉吉力捧女團做老闆,佢解釋:「老就係老,只係老師,好用心教佢哋唱歌,並唔係去捧一隊女團,講到話去力撼MYNT,冇咁嘅事,太誇獎我。」

譚輝智急不及待出去同粉絲見個面之際,發現平日一大班嘅fans只剩下幾位,但輝智面不改容同佢哋合照,呢個時候後面就湧出一大班粉絲,送咗個驚喜俾輝智,而佢哋就一整晚企喺門外苦練呢句呼喚偶像,「輝智你今晚去咗邊唧」,搞到平日貪玩嘅輝智笑到收唔到聲。

11月31號喺陳煒踏入53歲生日,呢晚佢嘅粉絲就窩心送上生日蛋糕同煒哥慶祝,令煒哥好感動,又承諾會拍更多好作品送畀大家。