何沛珈(Roxanne)與 Oscar(方智弘)喺TVB戀愛綜藝節目《女神配對計劃2》,成為CP焦點配對之一。兩人早前喺社交平台上載「情侶接受度挑戰」嘅影片,兩人都重視私隱與空間,認同「Me Time」獨處可以消化情緒與沉澱思緒,Oscar亦明確反對伴侶偷睇手機及安裝追蹤App,認為信任比監控重要。
myTV SUPER重溫新一輯女神求愛歷程
![]()
片中見何沛珈同Oscar不時做出鬼馬表情,非常合拍,當主持問二人接唔接另一半去外地工作,事前唔商量便作出決定,何沛珈體諒伴侶事業發展,認為機會難求,即使對方先斬後奏去外地工作仍能接受,甚至陪伴對方前往當地。
![]()
Oscar則重視雙向溝通,認為重大決定前應該先商量,把伴侶納入考慮範圍。Oscar話當伴侶去外地工作3年,事前完全唔商量,Oscar覺得對方係冇將自己列入為一個考慮範圍,何沛珈聞言笑稱:「原來工作咁長,我以為去工作三日㗎咋,但係男仔嘅話,工作行先係緊要嘅,如果工作係一個好好嘅機會嚟,對事業有幫助,你就去囉!」
![]()
![]()
何沛珈覺得作為女友,可以到外地陪另一半,但工作機會錯過咗就冇。Oscar反問唔商量真係唔嬲,何沛珈直言唔嬲,始終呢個係工作機會,係完全可以接受。
![]()
當問另一半要求check手機,仲要裝埋追蹤APP,Oscar認為每個人都有自己私隱,check電話係可以講聲,然後當面睇,絕對唔接受偷睇同裝定位,Oscar又指通常check得本身關係有啲破裂。
![]()
![]()
講到唔使開工嘅日子,若果被對方時刻黐實,唔准有Me time,何沛珈同Oscar都好反對噃!何沛珈話一定要有Me time,喺工作時有一啲負面情緒,或者有一啲諗法需要思考,何沛珈好需要Me time,讓自己沉澱一下,可能自己去睇戲或煲劇,Oscar認同喺生活上,有時係要自己去消化,冇辦法兩邊都運作。
![]()
Oscar曾透露喺「電話亭」及「食蘋果」等互動後,對何沛珈心動,欣賞其率真個性。Oscar一改被動性格主動出擊,二人相處互動曖昧,充滿粉紅泡泡!何沛珈日前出席TVB台慶活動時,直認兩人目前仍在了解中。
《女神配對計劃2》星期日晚 20:30 翡翠台
![]()