黃浩然 吳業坤 伍富橋 同 方紹聰 齊齊參與一個慈善越野跑起步禮,四人見面時更不忘互相打氣加油。
![]()
浩然呢日以活動大使身份現身,今次佢只參與20公里,仲笑指100公里要留俾後生嘅坤哥去挑戰。活動當日正值氣溫急降又落雨,受到天氣影響要有強大嘅決心先可以征服,幸好坤哥已經唔係第一年參加,有多年唔同經驗,之前再艱辛嘅環境佢都試過,所以有信心可以完成100公里,加上活動咁有意義,坤哥都好認真參與。![]()
呢日坤哥出發前仲獲得在場跑友鼓勵,佢亦不忘向我哋展示全副準備,原來之前坤哥扭傷腳未完全痊癒,所以佢要帶行山杖出發,以免再次傷到舊患。
而今次活動嘅翌日,周潤發就同浩然等隊友挑戰20公里賽事,浩然都有分享點解會促成今次同發哥一齊跑步,仲話已經計劃好完成後會搵咩美食醫肚,兩人亦想藉此鼓勵大家多啲運動。
![]()