近日因為參與電台籃球賽而被譽為「真.籃球女神」嘅 劉穎鏇 日前到昂坪出席粉絲見面會》,吸引大批Fans撐場。Tiff早前嘅比賽片段於社交平台被瘋傳,網民大讚佢擁有176cm高挑身材加上樣子甜美,之後更榮登「IG十大人氣GenZ女星」榜首。
呢日活動期間,曾身為高中校隊成員嘅Tiff亦大曬球技,即場示範插花同轉波,令現場朋友都大讚佢「好波」。![]()
一向形象健康嘅佢又指,行山對鍛鍊體能幫助極大,令佢可以喺球場保持爆發力,:「自己一向喜歡行山同做其他帶氧運動,增進心肺功能同腿部肌力,體能好,球場上自然得心應手。」Tiffany又指行山可以欣賞沿途美景,強身健體之餘仲可以「俾眼睛去旅行」,一舉兩得!![]()
Tiff話:「今日行昂坪觀景台行山徑,再搭纜車飽覽大嶼山壯麗風景,天壇大佛、昂坪市集、港珠澳大橋等美景都盡收眼底。最重要係路線難度較低,距離昂坪市集只係15分鐘,男女老幼都可以輕鬆挑戰,行完山仲可以去市集食飯休息」Tiffany更大讚市集行山用品包羅萬有,適合大家補給。![]()
呢日Tiff仲獲頒發「昂坪行山探索遊」獎牌,感謝佢鼓勵大家行山做運動。之後佢邀請3位幸運Fans上台玩互動遊戲,最後齊齊獲得親筆簽名的波衫,以及同女神合照嘅機會。![]()
對於榮升「新一代女神」,Tiff就謙稱自己同女神一詞相距甚遠,只係一名熱愛打籃球嘅鄰家女孩,佢又分享擇偶條件:「我由細到大都鍾意打籃球,所以志同道合嘅男仔會加分。若然係熱愛打波同行山嘅『運動型』男仔仲會雙重加分,同另一半邊行山邊談心,陪著你走嘅感覺十足十偶像劇充滿粉紅泡泡,超級浪漫。不過而家係事業衝刺期,仲有好多角色想挑戰,追求者可能要比多啲耐性,等我專注事業先。」
![]()