一周星星.未曝光片段|邊個陰暗面最強勁? 林夏薇指楊茜堯最陰毒

喺《玫瑰戰爭》中,幾位女星人前人後兩個樣,到底邊一個暗黑面最強勁? 林夏薇 就話相比起 楊茜堯 姚子羚 同 傅嘉莉 ,佢覺得自己係一個好人。而子羚就辯稱做得出就唔陰險,加上好多嘢佢都係為(生哥)  陳豪 而做,薇薇就即刻力證子羚嘅陰毒,話原本生哥想揾佢做主角,但子羚就係背後打毒針,可見子羚真係好陰險,子羚就解釋最多可以話自己係一個雙面人而已。


myTV SUPER重溫《一周星星》精彩內容

Kelly表示接到劇本後,覺得同現實中其實好吻合,佢話每個人都有好多不同嘅面向,包括陰暗面,佢覺得現實中同劇中自己都有。而楊茜堯就話自己係有啲陰毒,寧願犧牲自己,其中有一場戲,楊茜堯就要用小刀拮自己隻手,所以佢都承認自己係有心計嘅人,薇薇大表認同,仲話估唔到佢係最衰嗰個。

《一周星星》星期日晚  21:30 翡翠台