生哥 陳豪 直接問「無雙」 楊茜堯 每星期同老公 羅子溢 嘅親嘴次數,令大家都大為好奇。本尊雖然大方承認夫妻恩愛無比,不過就未有「統計數據」,但就指不時都會錫錫,就算子女面前都照錫可也。
陳山聰 就亂噏指同 姚子羚 「有緣無份」,佢補充指因為兩人性格相似,一樣非常爽朗,默契十足,就連親熱戲都毫無隔閡,不過《反黑英雄》同《玫瑰戰爭》就捨佢而去,山聰就想知到底Elaine「最愛」係邊位男主角喇。![]()
至於 周嘉洛 就指 林夏薇 合作《寵愛Pet Pet》邊仆倒邊咀嘴,仲以技術層面回憶當時幾場親嘴戲,更即場要約薇薇食飯。而薇薇就話同年輕一輩合作一樣學到唔少嘢,仲爆出因自己太多計劃,被嘉洛提醒要適時放鬆喇。![]()
《一周星星》星期日晚 21:30 翡翠台