劉曉彤淡出幕前十幾年，當年由演員轉做全職媽媽，留喺屋企照顧老公及3名仔女，目前仔女留喺外國讀書，見劉曉彤多咗私人時間做自己嘢，更轉戰做YouTuber主持健康資訊節目，噚日佢出席好友新開咖啡店舉行開幕禮，劉曉彤喺社交平台分享與好友嘅合照。

劉曉彤好開心出席呢個派對，見到好多朋友。

同場有陳豪、李佳芯、方力申、江美儀、蝦頭（楊詩敏）及吳家樂等，劉曉彤同李佳芯原來好老友，見二人又面貼面selfie，佢哋影大合照時，佢更將雙手放喺李佳芯左腳上，可見二人感情要好，劉曉彤亦好開心出席呢個派對，見到好多朋友。

劉曉彤同李佳芯原來好老友，見二人又面貼面selfie。江美儀、李佳芯、劉曉彤

方力申、劉曉彤

吳家樂、劉曉彤

劉曉彤雖然淡出幕前一段時間，不過佢一向好支持朋友，早前老友王賢誌主持嘅同志配對真人騷《仔仔一堂》慈善粉絲見面會，佢亦有捧場，而且佢本身跟人緣不俗嘅鄭裕玲（Do姐）係閨密，不時相約丘凱敏、顧紀筠、宣萱及吳美珩等好姊妹相聚，與圈中好友感情相當好！

劉曉彤與圈中好友相當要好！