黃紫恩爆男藝人用真頭像玩交友App 「有故事的人」差啲被邋遢肥仔禁錮

噚晚播出嘅J2節目《J2ers︰不正常愛情研究所》,由J2ers 黃紫恩(Jojo)、吳兆麟(Alan)、胡敏芝(Karen)連同兩位客席嘉賓麥惠琪(Susuca)、文頌男(Koba)主持,呢集主題係「交友App」,「有故事的人」Jacqueline差點被交友App識的男仔禁錮。


Karen同Susuca舉手話未玩過交友App。Karen同Susuca舉手話未玩過交友App。
時下唔少年輕人喜歡透過交友App結識異性,引申出網騙,之前更有紀錄片揭露騙徒透過交友App騙取事主1千萬歐元(約7,700萬港元),主持當中原來得Susuca同Karen未玩過交友App,Susuca嘅理由非常霸氣:「我需要玩嗎?認真,你覺得我需要嗎?」佢自爆經常俾人偷相用作推銷,而「純純兔」Karen唔玩嘅理由係擔心冇人回覆,喺節目當中佢喺Koba指導下,即場開通交友App,不久即獲4位男仔回覆,有人更貼心地讚佢「笑容okay」,令Karen好受落。


Susuca反問「我需要玩交友App嗎」,非常霸氣。Susuca反問「我需要玩交友App嗎」,非常霸氣。
Susuca經常被人盜用頭像用來推銷。Susuca經常被人盜用頭像用來推銷。

Karen不玩交友App原因是怕被拒絕,Karen在達人Koba指導下開交友App。Karen不玩交友App原因是怕被拒絕,Karen在達人Koba指導下開交友App。Karen的交友帳戶一開,即獲幾名男仔秒回。Karen的交友帳戶一開,即獲幾名男仔秒回。

Jojo識得做幕前嘅朋友使用真頭像開戶︰「佢點樣玩都好,啲人都以為係假account,一日唔約出嚟見真人,都唔知係佢。」Jojo接受訪問時指朋友係一位男藝人,呢種虛則實之策略非常有用︰「就係恃住自己係artiste,就算畀人認到都可以話偷相,所以一日約唔到女仔出嚟,都唔會知道係佢真人,所以好醒。」眾多主持要數交友App達人,非 Koba莫屬,佢擁有7年經驗,有3次成功拍拖例子,Koba分享策略,首先戶口第一張相要放正面照︰「唔會嚇親人先,第二張相可以晒優點,第三張相同簡介,可以展示過人才能,簡介吓自己。」


Koba「交友App達人」稱號當之無愧。Koba「交友App達人」稱號當之無愧。

今集「有故事的人」Jacqueline親述玩交友App嘅恐怖經歷,佢話大家喺傾偈過程中,因為有共同話題,所以好投契。Jacqueline同對方最後約出嚟見面,男方開車接佢,豈料一見面第一印象非常差,對方嘅車由外到內都好污糟,應約嘅係一名邋遢肥仔,之後買宵夜到男仔嘅店舖享用,其間男方已瘋狂作出性暗示,要求Jacqueline上閣樓玩貓不果,對方竟然落閘,好在最後有驚無險。Karen話其實今次係極端例子,亦有不少男女朋友透過交友App搵到另一半,所以不可以一概而論。


今集「有故事的人」Jacqueline玩交友App時,險被網友禁錮。今集「有故事的人」Jacqueline玩交友App時,險被網友禁錮。Jojo聽到「有故事的人」差點被禁錮,感到驚訝,Susuca同Jojo覺得難以置信。Jojo聽到「有故事的人」差點被禁錮,感到驚訝,Susuca同Jojo覺得難以置信。
《J2ers︰不正常愛情研究所》逢周四晚上11點 J2 (82台) 播映

 相關推薦