羅志祥高雄開騷險生意外 跌倒傷腳無恙繼續表演

經歷完桃色新聞之後正式復出嘅 羅志祥 呢晚去到高雄巨蛋展開個唱，不過開騷初段佢熱舞時就發生小形意外，令佢幾乎跌往突然下降嘅升降台，幸好小豬可以即時起身繼續表演，未有釀成嚴重事故。

事後佢喺表演後亦喺社交平台報平安，指自己冇大礙。呢晚表演全場爆滿，除咗勁歌熱舞之外，小豬亦喺現場獻唱新推出嘅情歌，佢仲憑歌寄意，指如果正面面對自己，就有資格領取免死金牌，唔知係咪對自己之前發生嘅負面新聞意有所指呢？

小豬呢晚亦喺個唱反串扮演佢曾喺綜藝節目大受歡迎嘅角色「朱碧石」，以紅色連身裙同唱出搞笑新歌。