李麗珍《望月》開鏡前不慎扭傷腳 拍新片增肥17磅演圓潤中年婦

英皇電影《望月》由羅耀輝導演及監製,李麗珍、李靖筠(Gladys)、陳湛文(Peter)、芯駖等領銜主演,日前電影舉行開鏡儀式,由英皇集團主席楊受成親自主持,羅耀輝導演率領戲中主角李麗珍、李靖筠、陳湛文等整齊列陣,誠心祈求拍攝順利,上畫叫好叫座!李麗珍喺戲中育有一仔一女,分別由陳湛文及李靖筠飾演,而新抱則由芯駖飾演。李麗珍喺戲中育有一仔一女,分別由陳湛文及李靖筠飾演,而新抱則由芯駖飾演。

李麗珍喺戲中育有一仔一女,分別由陳湛文及李靖筠飾演,長子已成家立室(芯駖飾演陳湛文妻子),為切合角色需要,珍妹特別增肥17磅,令自己睇落更似圓潤嘅中年媽媽,專業精神可嘉,雖然只係剛剛開工,但李麗珍跟陳湛文及李靖筠等一班拍檔已相當熟絡,李靖筠暱稱珍妹為「媽子」,珍妹笑言:「有啲感覺李靖筠就係我個女兒,自己會投入一啲,佢話頭醒尾,有個咁樣嘅女,我會好『冧』!」

李靖筠首度與珍妹合作便結下母女之緣,感到非常榮幸。李靖筠首度與珍妹合作便結下母女之緣,感到非常榮幸。

李靖筠首度與珍妹合作便結下母女之緣,李靖筠感到非常榮幸:「能夠演珍姐個女,實在太幸運!記得有一場戲,我要翻開『媽子』啲舊相,佢真係好靚!而且跟『媽子』合作好開心,佢係好隨意嘅人,偶爾講吓冷笑話,幾搞笑!」

李麗珍和前夫許愿嘅25歲女兒許倚榕,有別於媽媽李麗珍甜美外型。李麗珍和前夫許愿嘅25歲女兒許倚榕,有別於媽媽李麗珍甜美外型。
現實中,珍妹與乖女許倚榕感情融洽,相處似朋友咁,珍妹謙言冇咩教女心得:「主要係畀佢多啲愛心,主動去關心佢,唔好等到阿女反叛時先管教,要努力維繫彼此感情與關係。」李靖筠自爆曾向珍妹探問與女兒嘅相處之道:「我幾羨慕『媽子』與女兒嘅關係,因為我出自比較傳統嘅家庭,好難與父母搭住膊頭傾心事。」珍妹係叛逆少女角色嘅代表人物,喺珍姐眼中,李靖筠有幾分叛逆嘅影子,珍妹評價:「Gladys可以好純品,但又可以做寸寸地的角色,好多樣化!」(左起)導演羅耀輝、楊受成博士、李麗珍、李靖筠、陳湛文、芯駖(左起)導演羅耀輝、楊受成博士、李麗珍、李靖筠、陳湛文、芯駖開鏡當日,珍妹左腳紮住紗布,以拐杖代步,原來佢不慎喺屋企跌傷,珍妹苦笑道:「因為自己輪盡,我呢生人跌過好多次,以今次最『甘』!喺屋企滑倒時,剛巧跌正喺隔開廁所與房間嘅雲石石壆,隻腳不單止拗柴,仲碎咗少少骨,希望唔好再有下次。」

在開鏡前傷腳,珍妹一度擔心影響拍攝工作,幸好羅耀輝導演可以遷就。在開鏡前傷腳,珍妹一度擔心影響拍攝工作,幸好羅耀輝導演可以遷就。

在開鏡前傷腳,珍妹一度擔心影響拍攝工作,幸好羅耀輝導演可以遷就,先拍屋企食飯等較靜態嘅戲份,珍妹說:「戲中我生咗兩個廿幾歲嘅仔女,估計角色接近五、六十歲,就算拿著枴杖都問題不大。」珍妹指醫生睇過傷勢並冇大礙,再過多兩星期便可康復。

陳湛文與芯駖喺《望月》合演一對感情不算和睦嘅夫妻。陳湛文與芯駖喺《望月》合演一對感情不算和睦嘅夫妻。

陳湛文與芯駖喺《望月》合演一對感情不算和睦嘅夫妻,陳湛文打趣道:「我成日演被女人『騎住』嘅角色,走唔甩!」佢喺《飯戲攻心》演廢青三佬深入民心,呢次喺《望月》變身沉鬱內斂嘅大佬,相比喜劇與正劇,陳湛文坦言偏愛正劇:「感覺正劇比較有發揮一啲,加上我本身性格幾內斂,跟呢個角色有點連繫。」陳湛文演戲經驗豐富,可以教吓初登大銀幕嘅芯駖,首次見面時,芯駖已急不及待向陳湛文請教演戲心得,陳湛文雖然樂意分享,卻又有所顧慮,怕畀咗啲山埃貼士,而芯駖則大讚珍妹好有氣場,芯駖有默默觀察珍妹一舉一動,留意談話嘅節奏、語速、尾音從中偷師。

 相關推薦