《中年好聲音》爭奪50強席位 屯門娜娜獲Happy伯支持

正在使用小窗口模式播放

《中年好聲音》爭奪50強席位 屯門娜娜獲Happy伯支持

加載中...

全城期待嘅TVB歌唱真人騷《中年好聲音》,經過多輪競爭激烈嘅面試後,選出100強參賽者,於周日11月27號首播,100強參賽者屆時背對評判獻唱,憑靚聲爭奪50強席位,正所謂高手在民間,唔少參加者的確唱得不錯,歌聲中充滿故事。

「屯門娜娜」董幸兒聲稱因網民呼喚而參賽,有份喺首集出戰,獲得成日去公園捧場嘅Happy伯聯同街坊們前來支持,「屯門娜娜」覺得好感動,Happy伯更專登戴粉紅色帽襯「屯門娜娜」嘅粉紅色頭髮。

「黑妹」李麗霞雖然話唔贊成女兒蔡穎秋參加,不過愛女首集出戰,佢都驚喜現身支持,仲同評判伍仲衡雞啄唔斷,蔡穎秋指媽咪一直教佢練歌要努力:「由通知佢到而家只係兩、三個禮拜,佢又忙,我又有自己嘢要做,變咗好難夾時間畀佢教,只可以電話隔空講,佢不時叫我放開啲。」

李玟家姐李思林輕鬆迎戰,原來大家姐有低調支持,李思林笑言細妹李玟冇畀壓力;曹敏莉細妹曹敏寶獲老公到場支持追夢,同時多謝家姐曹敏莉鼓勵,曹敏莉主動問細妹畀《中年好聲音》門票。

曾做歌手嘅周吉佩唔敢請親友撐場,期待入圍一同見證,而支持者眾多嘅馮文,原來佢老公早於2019年參加《中國好聲音》入圍廣州海選40強,馮文坦言因老公當時展現嘅勇氣,令佢有膽參加呢個比賽。

 相關推薦