楊謹華被追問造人計劃 直言同老公有共識

楊謹華演技早已得到觀眾認同,可惜佢7次都同台灣金鐘視后擦肩而過,為咗氹返老婆開心,楊謹華老公早前就同咗佢去咗韓國旅行散心。不過呢日楊謹華出席活動時,就被傳媒朋友戲言佢此行係治療失落視后嘅創傷,搞到楊謹華哭笑不得,仲叫大家唔好講到佢成個怨婦咁,佢話自己只係由去年下半年到今年11月初都冇放過假,所以先會有今次韓國之旅出現呀。

講起今次韓國之旅,楊謹華唔只展示咗自己依極唔肥嘅體質,由朝早食到宵夜,佢仲同老公花式放閃,出post大晒呢位御用攝影師幫佢影嘅靚相,認真羨煞旁人呀!

同老公二人世界咗4年,傳媒朋友都媒緊張追問楊謹華有冇同老公努力去開展三人世界?可能個話題比較私人,加上傳媒戲言要計算日子嚟推敲佢哋幾時「造人成功」,所以楊謹華即刻話呢個話題太私密,仲反問在場嘅傳媒「那你昨天冇嗎?」、「你很久沒有了是不是?」,點知在場傳媒再追問楊謹華係咪同老公放棄努力了?令到楊謹華無奈咁解釋,指每個人對努力嘅定義都唔一樣,希望大家唔好將自己嘅準則套落人哋身上,佢又話呢啲事都有同老公傾過,大家亦有一個舒服嘅共識呀。

 相關推薦