(國語)SF9 路雲相隔多年再訪港 喜獲大批熱情粉絲支持

SF9路雲快閃訪港派心冧粉絲 廖子妤帶男友見家人留下好印象

韓國人氣男團SF9成員金錫佑(路雲Rowoon)、歐鎧淳、ANSONBEAN及廖子妤等,呢日現身尖沙咀出席名店聖誕慶祝派對,大批fans早就帶齊應援物品到場見偶像,路雲一出現即向在場fans派心心兼揮手問好,路雲相隔多年再訪港,完全感受到fans嘅熱情。

路雲近年多棲發展,除咗活躍喺影視圈,更拍綜藝節目,最近佢與前輩拍真人騷,由於佢一直喺韓國開工,本來擔心相隔多年冇嚟香港,怕已被fans遺忘,不過呢日見咁多fans到場,佢覺得好滿足又驚訝,不過今次來港行程緊湊,好多地方冇時間去,甚至忙到連食飯都冇時間,冇時間到訪呢度嘅食店,希望下次有機會大飽口福。

而同場嘅廖子妤早前回馬來西亞投票兼探親,3年冇返家鄉,廖子妤喺機場見到爸爸接機時已眼濕濕,當時爸爸更送上溫暖嘅擁抱,今次廖子妤帶媽咪來香港短聚,佢開心有媽咪照顧兼煮飯等佢門,頓時覺得好幸福,廖子妤又指男友已見過媽媽,佢未有透露另一半身份,只係話媽咪對呢位未來女婿印象唔錯,廖子妤笑稱:「我作為一個女演員已經算係好公開,你哋行吓街就會見到我哋,冇話撞破(戀情),其實好多人都知,唔係第一次一齊過聖誕,過咗幾個。」