超級毛特兒大賽丨交換主人變愛情線各出奇招冧掂愛犬 Jimmy家人入院壓力爆煲淚灑賽場

J2 自家製旗艦綜藝節目由向海嵐（Anne）、周奕瑋（Jarvis）及黃嘉雯（Carmaney）主持嘅《超級毛特兒大賽》，逢周一至周五晚 10 點半 J2（82 台）播出。

Miho、阿 Ken 加上愛犬梳打及 Maid Maid，被指似足一家四口。

今晚（31號）播出呢集12位參賽者將接受突擊測驗「交換主人」，「空姐明禎」Miho＋愛犬Maid Maid與「瘦削版馬德鐘」阿Ken＋梳打，根據大會規定調換主人身分，結果Miho瞬間駕馭被喻為「神獸級」嘅酷爆梳打；阿 Ken 則以極嬌俏聲音對付Maid Maid，同樣順利過關，遭薯餅主人Jimmy取笑「少女心」大爆發。由於Miho、 Ken、梳打及Maid Maid任務內外均相處融洽，即場被取笑儼如一家四口，阿Ken被問到對Miho觀感時，更怕醜仔上身，面都紅晒！想知「交換主人」點樣演變為突發愛情線？留意今晚節目。

點知 Miho 瞬間征服神獸級的梳打。阿 Ken 以超高音嬌俏聲面對 Maid Maid，同樣成功。

完成「交換主人」環節後，參賽者Sarah帶住「毛毛」匆忙離開，並謂因公事關係將離港一段時間，故需缺席兩次拍攝。大會為公平起見，即時讓其餘11位參賽者進行即場投票，決定Sarah去留。向來開朗嘅Jimmy，發表意見期間忽然落淚，事後佢坦言因家人入院壓力爆煲︰「拍攝期間有屋企人入咗院，啱啱拍到下晝時，醫院好urgent打電話嚟，我都好擔心。點知仲要決定（人哋）去留，覺得好大壓力……」Jimmy哽咽續指對於參賽，已由「玩玩吓」變成全情投入，並謂會想盡辦法令愛犬繼續留低參賽︰「因為同大家相處好開心，如果之後我參加唔到，我都想繼續畀佢（薯餅）行落去。」

「交換主人」環節仲會有唔少溫情同蝦碌爆笑位，萬勿錯過。12 位參賽者將接受突擊測驗「交換主人」。Sarah 因公事將缺席兩次錄影。引發其餘 11 名參賽狗主投票決定 Sarah 及毛毛去留。Jimmy 投票期間，因家人入院壓力爆煲而淚灑賽場。Jimmy跟一班參賽者已建立友誼！Jimmy希望愛犬「薯餅」能參賽到最後。