黎耀祥、龔慈恩主演嘅新劇《輕・功》探討「生死」與「放下」等問題，6號晚播出號一集，講到龔慈恩飾演嘅繆妙喺黎耀祥飾演嘅十一懷中離世，當時十一以不捨嘅眼神攬住愛妻，雖然畫面上冇呼天搶地嘅喊戲，但係呢種淡淡嘅哀愁，反而令到觀眾有種揪心嘅痛。
龔姐飾演嘅繆妙知道自己快將離世。黎耀祥飾演嘅十一眼內盡是不捨。
提到呢場離世戲，龔姐話因為祥仔拍攝前畀咗好多交流佢，令拍攝時相當順利，龔姐又話可以死喺自己最愛嘅人懷中，加上有咁多愛錫，其實係好恩惠，講到劇集探討生死同放下嘅議題，龔姐就相當感觸：「遇到任何遭遇都好，只要豁達啲去諗，總係會有出路。同埋生命嘅質同量同樣重要，大家要珍惜身邊所有嘢，每個人都應該有自己嘅理想，要努力去追求。」
超級洋蔥。
而7號晚播出號一集，十一因一啲原因而危站高處，令一眾好友同仔女都嚇到半死，為咗配合劇情，祥仔拍攝當日需要企喺山崖邊嘅欄杆上拍攝。我哋當日直擊拍攝現場，親身上陣嘅祥仔正式埋位前認真咁排練，態度非常專業，祥仔話：「開頭就驚比較危險，劇組都有 Book 定替身，但嚟到見到覺得還可以，好彩我唔畏高，我接受到嘅。」佢又話拍攝當日最辛苦嘅唔係拍 危跳鏡頭，而係一班演員需要爬長長嘅樓梯先可以去到拍攝場地，飾演祥仔大女嘅蔣祖曼，仲笑言：「大家連飲嘢都唔夠膽飲，因為唔想行番落去去洗手間。」而演細仔嘅朱敏瀚就被讚係體力最好嘅一個，佢仲幫手將工作人員啲機器搬上山，認真抵得諗呀。

《輕・功》逢星期一至五 21:30 翡翠台

張頴康、蔣祖曼同楊潮凱呢日各自搵咗一名親友作客全新遊戲節目《咁你都唔識》，蔣祖曼搵嚟髮型師好友助陣，而張頴康慘被4位朋友甩底，臨時搵老婆麥雅緻充當拍檔。

蔣祖曼爆玩呢個遊戲策略最重要係識講大話，佢指麥雅緻係講大話高手，張頴康笑言終於見識到老婆講大話嘅威力，對婚姻信任度出現質疑，楊潮凱呢次邀請大學師兄出戰玩遊戲，佢笑指反被對方拖累，不過楊潮凱稱整個過程開心又好玩。