法證先鋒V｜阿Ben思貝嘴戲前亂食嘢 王敏奕盼參與動作戲貪有型

台慶劇《法證先鋒V》已經播出一半，而當中井Sir 袁偉豪 同Taya 蔡思貝 嘅感情就繼續發展，呢日佢哋就爬上貨車頂非常浪漫咁拍攝一場嘴戲，不過呢對拍檔事前就話放宵夜特登亂食嘢，似乎想以口氣擾令對方咁話喇。

思貝仲提到，自己非常鍾意高處同飛嘅感覺，所以呢次喺車頂拍甜蜜談情戲完全冇問題，難怪佢同阿Ben呢日猛咁自拍，仲話呢啲超級離地浪漫情節冇得彈咁話啦。

談完情井Sir就要繼續查案喇，而佢同拍檔 王敏奕 要拍一場黑幫仇殺戲，但係佢哋唔需要親手落場打埋一份，就話有少少失望喇。同場嘅仲有扮演黑幫大佬嘅 冼灝英 師傅，呢日佢要同人講數，就未有兼任武術指導一職喇。