草蜢3月台灣開騷 點名希望周杰倫Alin蔡依林能捧場

草蜢今年3月會喺台北小巨蛋舉行巡視演唱會，呢日佢哋就飛到台灣宣傳。相隔13年再次重返小巨蛋，佢哋3個都話相當興奮，蔡一智仲話因為之前疫情冇咩機會去台灣同啲新生代歌手交流，所以佢希望今次大家可以嚟睇佢哋演唱會交流一下，仲笑言叫大家要主動啲，等佢哋可以識多嘅新朋友呀。而蘇志威就點名希望哈林、周杰倫呢啲老朋友可以哋睇佢哋嘅演唱會，阿智仲話因為之前周董幫佢哋寫過一首歌，當時冇好好咁多謝對方，所以如果呢次佢嚟，一定智留返個最佳位置畀對方欣賞咁話。蔡一傑就指自己好欣賞A-Lin同Jolin，所以希望到時兩位都可以嚟捧場。

講到入行多年身材同樣貌都keep得好好，傑仔就直認佢哋係相當貪靚，所以經常都會去美容院做facial，佢哋3個又話因為平日都有操練開，所以六嚿腹肌呢啲都係碎料呀。有傳媒問到佢哋3子有冇諗過會唱到哪一天？草蜢3子都話因為佢哋太鍾意音樂，所以會唱到直到佢哋唱唔到為止呀。