福兔賀歲迎新春，《開心無敵獎門人》將於今晚（21日/年卅晚）首次移師到澳門，假澳門百老匯舞台現場直播賀年特備節目《獎門人開心迎兔年百老匯》，與廣大觀眾送虎迎兔共賀新歲。是次節目由銀河娛樂集團及新濠風尚聯合贊助、澳門百老匯贊助場地，並獲得澳門特別行政區政府旅遊局全力支持。

翡翠台將於晚上11點至11點30分、《晚間新聞》聽晚上11點50分至深夜12時35分現場直播，「獎門人」曾志偉將率領五位「獎老」錢嘉樂、阮兆祥、麥美恩、林秀怡及程浩駿、兩位「獎品」湯之欣、周百恩及逾廿位藝員及歌手前赴澳門，於大除夕夜發放開心正能量，三隊星級嘉賓包括「藝員隊」江美儀、蕭正楠、高海寧、丁子朗、戴祖儀、郭柏妍及羅毓儀；「《愛．回家之開心速遞》隊」呂慧儀、單立文、滕麗名、湯盈盈、陳浚霆及吳偉豪；「歌手隊」JW王灝兒、吳業坤、谷婭溦、冼靖峰Archie、何晉樂Rock、孫漢霖Steven、黃奕斌Hugo及文凱婷Aeren，陣容鼎盛。

三隊藝人將會施展渾身解數，除咗大玩遊戲外，又會上演搞笑賀年趣劇，大放笑彈；一眾歌手更現場獻唱多首歌曲，與觀眾歡度佳節慶團圓，一同倒數迎接兔年來臨。

此外，《獎門人開心迎兔年百老匯》將於當晚10時開始，獎門人及獎老們將率先為澳門百老匯舞台嘅現場觀眾帶來獎門人經典遊戲，增添現場歡樂氣氛，myTV SUPER 900頻道屆時將全程無間斷現場直播至深夜12時35分，節目亦會在直播完結後3個鐘上架，以供觀眾重溫。

一個節目順利完成有賴於不同崗位默默耕耘，TVB綜藝節目 《不可能任務》系列向專業人士致敬，第二季首個任務「電視幕後製作挑戰」將於本周日（6月4號）晚上10點翡翠台播出最後一集。監製黎諾懿、「導演」賴慰玲（Winki）、「資料撰稿」戴祖儀（Joey）、李芷晴、梁超怡，以及「助理編導（PA）」關楓馨（Fabi）、程浩駿、周百恩齊齊轉入直路，正式踏入首個擔任幕後嘅大型慈善騷直播當日！

呢八人團隊，好似問題天天都多咁。黎監製臨時加嘢，搞到Winki好崩潰！

踏入直播日前夕，幕後經驗不足嘅眾人依然亂作一團，突發事更一單接一單，首先監製黎諾懿開show前忽然加插表演，令原本幾經辛苦度好內容嘅導演賴慰玲計劃大亂，更忍唔住爆咗句：「可唔可以辭職㗎？！」賴慰玲受訪時直認壓力極大：「你要不斷諗啲新嘢，個節目先唔會邁向死亡。」之後到綵排「迷你舞台劇」又狀況百出，更有演員臨時辭演，搞到做PA嘅關楓馨要頂硬上兼顧幕前。對於眾人表現，有份演出舞台劇嘅蔣家旻及袁偉豪事後雖然正評，但佢哋都有啲擔心，去到舞台上作為演員都好迷惘。

原本幾經辛苦度好內容嘅導演賴慰玲計劃大亂，更忍唔住爆咗句：「可唔可以辭職㗎？！」Winki因為壓力大，所以狀況百出。

正式直播當日，八人團隊緊張指數爆標，更要連環應付因經驗不足引發嘅種種問題，當中關楓馨因為聽錯台詞差啲搞亂舞台劇流程，負責Panel嘅程浩駿則因錯漏百出被鬧到面青。最後眾人順利完成挑戰，更獲得「幕後黑手」曾志偉嘉許，曾志偉大讚眾人表現，並親自拆解呢項「不可能任務」背後真正原因，希望演而優則導唔只係電影，電視都可以！

有份演出「迷你舞台劇」嘅蔣家旻同袁偉豪好似好憂愁咁。 Fabi到最後要兼顧埋幕前。戴祖儀主力負責同司儀對稿。

是集洋蔥聖手仲有戴祖儀，獲監製指示為舞台劇歌曲作曲及填詞嘅戴祖儀，由於撰寫歌詞熱血又勵志，令賴慰玲及梁超怡等勁感動，李芷晴更忍不住落淚。戴祖儀事後好感恩能為舞台劇貢獻創作部分：「可以寫一首作品，感覺係自己生出嚟嘅仔，好開心。」

正式直播之前，黎監製同賴導演密密斟。戴祖儀作曲填詞嘅作品搞喊咗Winki。原來成件事嘅幕後黑手係曾志偉。到底曾生派呢個任務出嚟嘅真正背後原因係乜呢？正式直播之前，黎監製同賴導演密密斟。程浩駿喺控制室推Panel狀況百出。程浩駿係咁畀人鬧，嚇到佢面都青埋。李芷晴同Fabi 分別出事。Fabi因為聽錯台詞險些搞亂舞台劇流程。戴祖儀獲監製指示為舞台劇歌曲作曲及填詞。

《不可能任務》第二季 本周日晚十點翡翠台播映