原名麥耀堂嘅 唯靈 喺經濟起飛、香港人開始學識享受嘅80年代,已經開始撰寫著作為大家介紹識飲識食嘅樂趣,除咗喺唔同中外報章雜誌撰文之外,亦不時擔任唔同電視節目嘅嘉賓,介紹唔同國家地區嘅食物特色。唯靈自幼受父母影響,學會品珍味嘅真傳,到長大之後更發揚光大,成為香港知名美食評論家。自上世紀60年代開始,已經為無數大型集團擔任公共關係同飲食顧問,亦著有多本著作。雖然平時有唔少機會食盡山珍海錯,不過唯靈就非常反對奢侈飲食習慣,亦認為食物並無貴賤之分,更非常推介平民美食。